معلومات هامة لكل مستخدمي الانترنت

بسم الله الرحمن الرحيم

(وَنُنَزِّلُ مِنَ الْقُرْآنِ مَا هُوَ شِفَاء وَرَحْمَةٌ لِّلْمُؤْمِنِينَ وَلاَ يَزِيدُ الظَّالِمِينَ إَلاَّ خَسَارًا)

صدق الله العلي العظيم



أهلاً اخواني

هذا حوار بيني وبين صديقي يسألني فيه عن مجموعة أسئلة كانت تدو في ذهنه على بداية أيام استخدامه للإنترنت وآنا اقوم بإجابته بما تيسر لي اتمنى ان ينال اعجابكم كلامه بالأحمر ورد الكونت بالأزرق والأخضر





أسمع عن الIP كثيراً بس ما ادري شنو هو ؟

الIP اختصار لكلمة Internet Protocol و يعني ملقم الإنترنت، بإختصار شديد انت الحين إذا تدخل على الإنترنت و تبي تدخل

صفحات و تنزل برامج و ملفات، لازم يكون في شي يميزك عن باقي مستخدمين الإنترنت، يعني مثل العنوان لك هذا العنوان يسمونه

الIP . يعني تقدر تعتبر كمبيوترك مثل المنزل اللي له عنوان يميزه عن باقي المنازل.

وطبعاً مثل ما عنوان المنزل يتكون من طريق و مجمع و غيرها الIP يتكون من أربعة اقسام

zzz.yyy.xxx.www

كل قسم من الأقسام يخص شي معين، عيل شلون عبالك يعرفون مكان ديرتك، من الIP

يسمى كل جزء منها بالOctet او الثماني .. لأن تتراوح قيمته بين الصفر و 255 ... 2 إلى الأس 8


يعني تعرف كم IP ممكن يصير في العالم 2 للأس 32 تقريباً 4294967296 IP مختلف

الIP نوعين ثابت ومتغير ،أحنا عادةً متغير مالنا الIP يعني كل ما نتصل بالإنترنت يطلع لنا IP غير عن القبلي ،بس الشركات

الكبار مثل Yahoo و Google وغيرها من المواقع IP مالها ثابت.





انزين انت قلت لي الIP يعني مثل العنوان .. أصير أكثر من كمبيوتر لهم نفس الIP ؟

اصير، إذا كان الكمبيوتر متصل بنتورك، اي كمبيوترات متصلين بالنتورك يكون لها IP واحد إذا اتصلت بالإنترنت، بينما علشان تتعرف على بعضها البعض يكون IP مالهم مختلف لكل كمبيوتر IP خاص بالنتورك عادةً يبدأ بالرقم 192، يعني ما في واحد على الإنترنت IP ماله يبدأ بال192





أنزين إذا واحد عرف الIP مال جهازي يقدر يدخل عليه ؟

يقدر إذا طرش لك ملف تجسس، بس إذا انت كنت عضو من نتورك يخسي، (عضو نتورك يعني إذا كان عندك شبكة بالتالي الIp راح يكون مشترك حق كل الكمبيوترات .. فالكمبيوتر بشكل تلقائي يعطي كل عضو في الشبكة IP خاص .. يبدأ عادةً 192 أو .. 10. ..بالتالي مستحيل احد يدخل عليك من خلال هذي الأيبات لأنها خاصة بالشبكة فقط .. يعني لا يخرعك واحد يقولك الحين بدش على كمبيوتر لأني عرف الأبي مالك، مستحيل إلا إذا انت صرت غبي و قبلت منه ملف وشغلته هذي شي ثاني. كأنك تقوله ادخل على كمبيوتري، بس بعد يخسي إذا كان عندك جدار ناري او Firewall، تفضل في [ندعوك للتسجيل في المنتدى أو التعريف بنفسك لمعاينة هذا الرابط]احسن فايروول في نظري مع الشرح راح يحميك بكل سهولة. لأن يحفظ لك الPorts من الإستماع من أي برنامج وهذي [ندعوك للتسجيل في المنتدى أو التعريف بنفسك لمعاينة هذا الرابط]


[ندعوك للتسجيل في المنتدى أو التعريف بنفسك لمعاينة هذا الرابط]





مشكور على الFirewall نزلته الصراحة عجيب، اي ذكرتني سمعت عن شي اسمه Port ، وايد اسمع يقولون برنامج يستمع على البورت الفلاني ، أو يقولون كمبيوترك في بورتات مفتوحة شنو يعني بورت؟


تذكر يوم تكلمنا عن الIP قلنا الآبي يعني مثل عنوان البيت عدل ؟ انزين البيت بعض الأحيان يكون له اكثر من باب يدخلون له وكل باب له مفتاح. هذا الباب هو البورت او المنفذ، هذا المنفذ يتعامل معاه بعد كأرقام تتراوح بين 1 إلى 65534 يعني خذ المسنجر على سبيل المثال، المسنجر عنده بورت على كمبيوترك رقمه 1863 ، يستخدمه علشان إذا ارسلت ملفات عبر المسنجر، هذا بورت بس مين عنده مفتاح هذا البورت غير المسنجر ؟ ولا برنامج، مين اللي يقدر يبطل هذا الباب ويتفاهم مع أهل المنزل من خلاله بس المسنجر .





اي تذكرت مرة واحد قالي في حركة تروح من الدوس تكتب netstat-a إذا طلع لك كلام يعني في بورتات مفتوحة .. وإذا في بورتات او منافذ مفتوحة يعني جهازي اكيد في برنامج تجسس او تروجان فهل هذا الكلام صحيح ؟

يا عمي وين، الحين توني قاعد اقولك المسنجر الي وهو المسنجر عنده بورتات مفتوحة في الكمبيوتر، و في برامج وايد تفتح بورتات غير ملفات التجسس، عندك الكازا و الأيمش و الWinamp والincredimale .. وغيرها من البرامج، يعني أقول مب شرط إذا شفت شي في هذا الأم netstat يعني في برنامج تجسس يعتمد على نوع البورت المفتوح عادة التروجانات يفتحون بورتات رقمها بعدين في العشرة آلاف يعني علشان لا يصير تضارب في المنافذ.

وإذا حدث وانفتح بورت من التروجان ما يصير تعتبره باب ، تعتبره دريشة (نافذة) او باب خلفي (BackDoor) يعني أنت ما تشوفه بس صاحب التروجان عنده مفتاح هذا الباب السري او الدريشة ويقدر يتفاهم مع كمبيوترك ويقوله سو ريستارت مح الفايل المعين طرش لي ذي سو داونلود حق ذي شغل هذي البرناج صك ذاك البرنامج طرش لك مسج على راحته يسوي اي شي





حلو مشكور .. انزين قريت مرة موضوع يقول لك شلون تتخلص من ملفات التجسس في كمبيوترك .. كأن صاحب الموضوع كاتب أنه تروح الدوس وتبحث عن ملف اسمه Patch.exe إذا وجدته معناتها كمبيوترك ملوث بملف تجسس .. يعني قوم وحذفه .. و إذا ما وجدته يعني كمبيوترك نظيف .. شرايك في هذا الكلام ؟

على قولتنا البحارنا .. هرير
يعني هالكثر صاحب التروجان غبي بسمي التروجان اسم واحد، ولا وشنو Patch.exe ما باقي الا يسمي روحه trojan.exe علشان الكل يعرفه ، ويش ها السالفة ، الحين أحدث التروجانات تسمي روحها بأسامي ملفات مهمة explorer.exe، SMSS.exe LSASS.exe وغيرها من ملفات السيستم و انت جاي لي تقول لي تدور ملف و حذفه ، بعدين اي تروجان غبي بخليك تبحث عنه تلاقي مسوي من روحه الف نسخة، وحاط روحه في الرجستري، و مسوي روحه hidden يعني خفي. وانت جاي بتدوره search لا بشنو بالدوس.





أنزين امبي ما عليك امر اعرف يعني شنو تروجان ،يعني شنو ملفات تجسس ، شلون تشتغل ؟

ان شاء الله تفضل [ندعوك للتسجيل في المنتدى أو التعريف بنفسك لمعاينة هذا الرابط] تعطيك ماهية ملفات التجسس و شرح مفصل لها مع تجارب شخصية.





بسألك بعد .. الحين آنا في المتصفح اكتب [ندعوك للتسجيل في المنتدى أو التعريف بنفسك لمعاينة هذا الرابط] .. و تطلع لي الصفحة ولا ادري ويش صاير .. امبي اعرف ويش يصير بالضبط من اضغط على إنتر إلين تجي الصفحة ؟ شنو الكيفية قصدي .. يعني هل هذه الصفحة موجودة على كمبيوتر معين ؟ وآنا اقوم انزلها من هذا الكمبيوتر ؟ شلون يعرف المتصفح الIP مال هذا الكمبيوتر علشان يدخل عليه وينزل الصفحة مو داشة عقلي السالفة .. آنا الحين اكتب كلام تطلع لي صفحة ؟


سؤال ذكي احسن سؤال سألتني اياه في شي في الإنترنت اسمه DNS Domain Name Server هذا السيرفر يحتوي على لسته طووووويلة من المواقع و الآبي الثابت مالها، خطوات العمل اول ما تكتب الموقع وتضغط انتر على طول يوديك DNS ويبحث عن هذي الصفحة، إذا لقاها تلاقي في ساعة تحت تطلع بالأحمر مكتوب صوبها Web Site Found، وعقب ما يحصلها يطرش الIP مالها حق المتصفح مالك، يقوم المتصفح يسوي يتصل على الIP مال الكمبيوتر اللي يحمل هذي الصفحة على االبورت رقم 80 و يبدأ يطرش له اوامر يتفاهمون مع بعض (المتصفح و الموقع) لاحظ ان المتصفح explorer يفهم على الكمبيوتر ذاك لأن عنده مفتاح البورت 80 ، وبس تبدأ عملية التنزيل على هيئة ملف HTML (هذي لغة برمجة) تنزل الصفحة وبعدين يقوم الإنترنت اكسبلورر بالترجمة الصفحة شوف الصورة تحت مثال لDNS طبعاً مو بالضبط بس علشان تتخيل الفكرة معاي


[ندعوك للتسجيل في المنتدى أو التعريف بنفسك لمعاينة هذا الرابط]


في المرفقات هدية لكم مني، برنامج خفيف 6 كيلوبايت وضيفته يعطيك الIP مال اي موقع .

[ندعوك للتسجيل في المنتدى أو التعريف بنفسك لمعاينة هذا الرابط]




مرة حطيت سؤال في قسم المشاكل اقول لهم شلون احط صورة لي في المنتدى رد علي رختر قالي لازم ترفع الصورة في موقع تحميل وعطاني كم وصلة ما قصر مسكين. يعني شنو مواقع التحميل ؟


أفا عليك هذي الوصلة تعطيك يعني شنو مواقع التحميل، وتشرح لك شلون تسوي لك موقعك الخاص [ندعوك للتسجيل في المنتدى أو التعريف بنفسك لمعاينة هذا الرابط].

















[ندعوك للتسجيل في المنتدى أو التعريف بنفسك لمعاينة هذه الصورة]
اقتباس:
[ندعوك للتسجيل في المنتدى أو التعريف بنفسك لمعاينة هذه الصورة]








Originally posted by SKYHAWK
اخي الكريم مشكور الف شكر على الشرح وبما انك خبير بهذا الموضوع فقد طلبت المساعدة ولم يجبني احد
فأنا لدي اشتراك كيبل يعني ان الأيبي الخاص بي لا يتغير فاذا اردت ان ارسل رسالة لأحد ولا اريدة ان يعرف الأيبي خاصتي فهل هناك طريقة وشكرا


[ندعوك للتسجيل في المنتدى أو التعريف بنفسك لمعاينة هذه الصورة]




بالنسبة لطلبك اخوي في برنامج اسمه

Steganos Internet Privacy

مخصوص هذا البرنامج حق يغير لك الIP مالك كل فترة معينة انت تحددها مثلاً كل خمس دقائق او نصف ساعة او حتى 30 ثانية، و يعطيك IP مال بلدان مختلفة بشكل عشوائي







/~/ كيف اعرف الIP مالي ؟/~/

ذلك بالدخول إلى هذا الموقع

[ندعوك للتسجيل في المنتدى أو التعريف بنفسك لمعاينة هذا الرابط]